Yosh mutaxassislarga oylik ustamalar to‘lash tartibi
O‘zbekiston Respublikasi Prezidentining 2021-yil 13-iyuldagi “Yoshlarni har tomonlama qo‘llab-quvvatlash va ularning ijtimoiy faolligini yana-da oshirishga oid qo‘shimcha chora-tadbirlar to‘g‘risida”gi PF-6260-son Farmoniga muvofiq, Davlat xizmatini rivojlantirish agentligi tomonidan oylik ustamalar tatbiq etiladigan taʼlim yo‘nalishlari, tashkilotlar ro‘yxati shakllantirildi hamda endilikda Agentlik, ish beruvchi va yosh mutaxassis o‘rtasida 3 yilgacha bo‘lgan muddatga tuziladigan shartnomaga asosan, xodimning lavozim maoshiga qo‘shimcha ravishda ustamalar har oy to‘lab beriladi.
Qo‘shimcha ustamalar to‘lab berishning asosiy shartlari:
Yuqori 300 talik ro‘yxatiga kiritilgan xorijiy oliy taʼlim muassasalarini 2021-yil va kelgusi yillarda tamomlagan yosh mutaxassisga nisbatan tatbiq etiladi.
yosh mutaxassis qo‘shimcha miqdorlarning bittasidan foydalanishi mumkin.
Qo‘shimcha ustama olish uchun hujjatlar qaysi tashkilotga taqdim qilinadi:
Nomzodlarning hujjatlari davlat organlari, tashkilot va muassasalari tomonidan Prezident huzuridagi Davlat xizmatini rivojlantirish agentligiga taqdim etiladi:
Shartnomani rasmiylashtirish uchun talab etiladigan hujjatlar:
Davlat organi, tashkiloti yoki muassasasi rahbarining murojaat xati va unga ilovada:
Yosh mutaxassisning xorijiy diplomi, uning ilovasi nusxasi (pdf);
Yosh mutaxassisning pasport nusxasi (pdf);
Yosh mutaxassisning xorijiy davlatda oliy taʼlim olganlik to‘g‘risida hujjatni tan olish haqidagi guvohnoma (pdf)
Yosh mutaxassisning ishga qabul qilinganlik to‘g‘risidagi buyruqdan ko‘chirma (pdf);
Yosh mutaxassis va ish beruvchi o‘rtasida tuzilgan mehnat shartnomasining nusxasi (pdf).
Maʼlumot uchun:
Shartnoma tuzilgan kundan boshlab, ish beruvchi yosh mutaxassisning har oylik lavozim maoshiga qo‘shimcha ustamalarni to‘lab boradi.
